အဖြူရောင် ကောင်းကင် ၏ ရိတ်သိမ်းရန် ကျန်သော သက်တံ့ များ ( ၂ )

တန်းဖိုးခြင်း မညီနိုင်တဲ့ ငါတို့ရဲ့ ကိန်းသေ မှတ်တမ်းမှာ ..

ဘယ်လိုအဖြည့်ခံ ဇာတ်လမ်းမျိုး နဲ့ ဆက်ကရမလဲ ဆိုတာ ...

ငါ့ကို ပြောခဲ့ပါလား ..... ၀သုန် ..

.................... ပြောခဲ့ပါလား .. ဟာ .....။


ထပ်တူကျခြင်း ဆိုတာ ငါနားမလည်ခဲ့ဘူး .... ၀သုန် ..

ရိုးသားမှု ဆိုတဲ့ ကြိုးက အချင်းချင်း ထားလဲ မငြှိ့ခဲ့သလို ..

နင် မသိခဲ့တဲ့ ငါ့ရဲ့ ပြောင်းလဲခြင်း ဆိုတာလဲ ...

သူငယ်ချင်းဆိုတဲ့ ခေါင်းစဉ်အောက်မှာ မသိလိုက်မသိဖာသာပါပဲ .....

အဲ့သလိုပဲ .. ၀သုန် ...


နှုံချာမှု ဆိုတာ မကောင်းမှန်း သိပေမယ့်

ငါ့ နှလုံးသားကတော့ အကြောင်းပြချက်မရှိပဲ

စုံကန်ပြီး နှုံချာနေတယ်ဟာ ....

.............. စုံကန်ပြီးကို နှုံချာနေတယ် ....။


'' ငါ့ အချစ် လား ..... ဒီလိုပါပဲဟာ ''

အသင့်စား အသည်းတု တွေလား .. ၀သုန်

နင်ပြုစားခဲ့တဲ့ မာယာ သတ်ကွင်းမှာ

ငါ့ကို ဘာကြောင့်များ မထည့်သွင်းခဲ့တာလဲ ...

အဲ့သလိုပဲ ... ၀သုန် ...

ပုံပြင် တွေ နားထောင်ဖို့ အရေး ..

ပုံပြောသူ နောက် ပြေးလိုက်ရတဲ့ အဖြစ်ကလဲ ..

ငါတကယ်ကို မောတယ်ဟာ ... မောတယ် ....။

မ၀ဲ ပဲနဲ့လည်း မိချင်ခဲ့တယ်

မကွဲ ပဲနဲ့လည်း ထိချင်ခဲ့တယ် .. ၀သုန်

အမုန်းဆိုတဲ့ ဘာသာတရားကို မသိချင်ခဲ့တဲ့ အတွက်

အက်သံ တွေကို ပြက်ရယ်ပြု ....

ငါ့ ကိုယ်ပိုင် ဂီတ ကိုမှ မျက်ကွယ်ပြု ခဲ့တာပါ .. ၀သုန် .

................ မျက်ကွယ်ပြု ခဲ့တာပါ ဟာ ...။


တစ်ခုခုတော့ သိမ်းထားချင်သေးတယ် .. ၀သုန်

သုံးခဲ့ဖူး တဲ့ တစ်ရှုး စလေးတွေပဲ ဖြစ်ဖြစ် ..

ပြုံး ခဲဖူး တဲ့ မဲ့ ပြုံးလေး တွေပဲ ဖြစ်ဖြစ် ...

ငါ့ နှလုံးသား အနာရွတ်တွေ အတွက် ..

လွမ်းဆွတ်ခြင်း အနားကွပ် ရအောင်

ငါ တစ်ခုခု တော့ သိမ်းထားချင်သေး ဟာ .....

........... ငါ တစ်ခုခု တော့ သိမ်းထားချင်သေးတယ် .....။

Posted in: ကဗျာ