ကိုယ့် ပေါင် ကိုယ် လှန် ထောင်း ခြင်း

တချို့ အကြောင်း အရာ တွေကို အွန်းလိုင်းပေါ် တင်သင့် မတင့်သင့် ကို အတော် စဉ်းစားရပါတယ်..။လူမှုရေး အကြောင်း ၊ ကျမ်းမာရေး အကြောင်း ၊ စီးပွားရေး အကြောင်း ၊ နှလုံးသားရေး အကြောင်း စသည်ဖြင့် အွန်လိုင်းပေါ်ကို ကျွန်တော်တင်တော့မယ်ဆို အရင်ဆုံး စဉ်းစားပါတယ်..။ တသီးပုဂ္ဂလ စံနေသလား..။အများလက်ခံ နိုင်လောက်မဲ့ အကြောင်းအရာမျိုး ဖြစ်နိုင်ရဲ့လား .. ။ တခါတလေ ကိုယ်ရေးပြီးသားတောင် မသင့်တော်ဘူးထင်တဲ့ ပိုစ့် တွေ ရှိပါတယ်..။ အဲ့ဒါတွေ ဆို မတင်ဖြစ်ပါဘူး .. ။( ပုံမှန်အားဖြင့်တော့ ကျွန်တော်ဟာ ကဗျာတွေ ပဲ အရေးများပါတယ် ) အခု လဲ ဒီ အဖြစ်မျိုး နဲ့ ကျွှန်တော် တွေ့နေပါပြီ ..။ ဒါဟာ ယဉ်ကျေးမှု နဲ့သက်ဆိုင်သလား .. ၊ လူမှုရေး နဲ့သက်ဆိုင်သလား..၊ ဘာသာရေး နဲ့ သက်ဆိုင် သလား ဆိုတာကို တော့ ဖတ်ပြီမှ ဆန်းစစ် ကြည့်ကြပါ .. ။ သေချာတာကတော့ ကျွန်တော်ဟာ ဒီပိုစ့် ကိုအများ လက်သင့် ခံနိုင်ပါစေ ဆိုတဲ့ စေတနာ နဲ့ ပဲ ရင်နာနာ တင်ဖို့ ဆုံးဖြတ်လိုက်တာပါ....။

အကြောင်းအရာကတော့ ကျွန်တော်တို့ မန္တလေး နဲ့ သတ်ဆိုင်ပါတယ်...။ အထူးသဖြင့် ဘုရားကြီး ( မဟာမုနိ ရုပ်ရှင်တော် မြတ်ကြီး ) နဲ့ သက်ဆိုင်ပါတယ်...။ မန္တလေး ဘုရားကြီး ဆိုတာ ပြည်တွင်းမှာသာ မက ကမ္ဘာ မှာတောင် ထင်ရှားတဲ့ မြန်မာနိုင်ငံ ရဲ့ အထင်ကရ အထွက် အမြတ်ထားကြတဲ့ နေရာပါ ...။အထက်မြန်မာပြည်ကို လာရင် ကိုယ့်လူမျိုး ကိုယ့်ဘာသာဝင် မက လို့ ဘယ်လူမျိုး ၊ဘယ်ဘာသာ ၀င်ပဲ ဖြစ်ဖြစ် မ၀င်မဖြစ် ၊မသွားမဖြစ် သွားကြတဲ့ နေရာဆိုလဲ မမှားပါဘူး...။အထူးသဖြင့် တိုင်းတပါး လူမျိုးခြား တွေ လည်ပတ်တဲ့ အခါ ဘုရားကြီး ဆိုတာ ကျွန်တော်တို့ မန်းသားတွေ ရဲ့ တန်းဖိုး အရှိဆုံး ဂုဏ်ယူစရာ ဖြစ်ပါတယ်...။

ဒါပေမယ့် တချို့ တချို့ သော ကိစ္စတွေ ဟာ ကိုယ့်လူမျိုးခြင်း ၊ ကိုယ့် ပတ်ဝန်းကျင်ခြင်း၊ ကိုယ့် အထွာ ၊ ကိုယ့်အတိုင်း နဲ့ အံဝင် ခွင်ကျ ၊ မြင်နေကျ ၊ ထုံးစံ ဖြစ်နေတာပဲ လို့ ထင်ရပေမယ့် လူမျိုးခြားတွေ ရဲ့ အမြင်မှာ အထင်သေးစရာ ၊ ကဲ့ရဲ့ စရာ ၊ ဂုဏ်သိက္ခာ ညိူးနွမ်း စရာ တွေအပြင် ၊ မွန်မြတ်ပါတယ် ဆိုတဲ့ နေရာကိုတောင် အမြင်တမျိုးတွေ ဖြစ်လောက်အောင်ကို အရုပ်ဆိုးလွန်းနေပါတယ်..။ ဒီအထဲက မှ ကင်မရာ တွေ အခွန်ဆောင် တဲ့ ကိစ္စပဲ ကြည့်ပါ .. ဘုရားကြီးမှာ နိုင်ငံခြားခရီးသွား ဧည့်သည်တစ်ယောက် ကင်မရာ ပါရင် (2000)ကျပ် ပေးရပါတယ် ... တကယ်ဆိ်ု များပါတယ်..။ထားးပါတော့ ဒါကတော့ ဘုရားဂေါပက လူကြီးတွေ သတ်မှတ်ချက်ပါ..။ အဲ ဆိုးတာက အဲ့က ၀န်းထမ်းတွေရဲ့ အပြု အမှုပါ..။ ကင်မရာ ပါရင် ကို မဖြစ်မနေ အခွန်ဆောင်ခိုင်းပါတယ်.. အတင်းရော ဇွတ်ကော .. မရမက ပါပဲ..။ တကယ်ဆို အဲ့ဒီ မှာ တိုးဂိုက် ပါပါတယ် .. ယဉ်ကျေးမှု အရ တိုးဂိုက် ကို နားလည်အောင် ပြောရင် အဆင်မပြေ စရာ မရှိပါဘူး .. တချို့ ပိုက်ဆံ ကြည့်တဲ့ ဧည့်သည် တွေကျတော့ (2000) က များတယ် ဆိုပြီး ၀င်ကြည့်မယ် .. ရိုက်စရာ ရှိရင် ရိုက်မယ်.. အပြန် ပိုက်ဆံ ပေးမယ်.. မရှိရင် မရိုက်ဘူး.. အဲ့လို မျိုး..။ အဲ့ဒါမျိုး ဆို နားလည်မှု ရှိရှိပဲ တိုးဂိုက်နဲ့ ညှိ့ပြီး လွှတ်ပေးသင့် လွှတ်ပေးသင့်ပါတယ်..နောက်ပြီး တိုင်းတပါးသားက အဲ့လိုမျိုးလဲ မလုပ်ပါဘူး .. တိုးဂိုက်က လဲ အဲ့လိုလုပ်ဖို့ တွန်းအားမပေးပါဘူး...။ အခု တော့ သွားလေရာ နောက်က တကောက်ကောက်လိုက် ဘေးကနေ ပိုက်ဆံ ပိုက်ဆံ အဲ့လို တပူစာစာ လုပ်နေတော့တာပါပဲ ( စဉ်းစား ကြည့်မိပါတယ် အဲ့ပိုက်ဆံ ကလဲ ဂေါပက လူကြီးတွေလက်ထဲပဲ ရောက်သလား ၊၀န်ထမ်း တွေ လက်ထဲပဲလား .. အကယ်လို့ ရောက်ခဲ့ ရင်ရော ကင်မရာ တစ်လုံး (2000) ဆိုတဲ့ ပိုက်ဆံ ပမာဏကို ဘယ်လို နေရာ မျိုးမှာ သုံးသလဲ ဆိုတာပါပဲ).. ..။

အဲ့ဒါက တစ်ခုပါ...။ နောက်တစ်ခုကတော့ ဘုရားကြီး ပတ်ဝန်းကျင်နဲ့ ရင်ပြင်တော် အကြောင်းပါ..။ ဘုရားကြီး ပတ်ဝန်းကျင် ဆိုတဲ့နေရာ မှာ အရှေ့ ၊ အနောက် ။ တောင် ၊ မြောက် က အ၀င် စင်္ကြန်လမ်း တွေ အပြင် လိပ်ကန် ငါးကန် ဗုဒ္ဓ၀င်ပြခန်းတွေ ပါပါတယ်.. ။အဲ့နေရာ တွေမှာက အမြင်မတော်တာက ဈေးသည်တွေပါ..။ စင်္ကြန် မိန်းလမ်းက ဆိုင်တွေကတော့ ဆိုင်ခန်းတွေနဲ့ဆိုတော့ မပြောလိုပါဘူး ...။ ဆိုးတာက ဗုဒ္ဓ၀င်ပြခန်း နဲ့ လိပ်ကန် ဘက်က ဈေးသည်တွေပါ...။ အသုပ်သည်.. အကြော်သည်..မြေပဲပြုပ်.. ပြောင်းဖူးပြုပ်သည် နောက်ဆုံး ရက်ဆား လေပုတ်ထုပ် သည် တောင် ရှိပါတယ် ... ။ အဲ့ဆိုင်တွေက လမ်းပေါ် စားပွဲခုံချ ဖင်ထိုင်ခုံ ချ ရောင်း ..။ ရောင်းတဲ့လူ ရှိတော့လဲ စားတဲ့လူလဲ ရှိပါတယ်..။ စဉ်းစားကြည့်ပါတယ် .. ဒါဟာ ဘုရား နယ်နိမိတ်ပါ...ပန်းခြံ မဟုတ်ပါဘူး ..။ ဈေးရောင်း ဖို့ နေရာ သီးသန့် နေရာ ရှိပါတယ် .. ဒါတွေကို တာဝန်ရှိသူတွေက မပြောဘူးလား..၊ ပြောရဲ့ သားနဲ့ ထွက်နေတာလား .. ဒါဆိုလဲ ဒါဏ်ရိုက်ပေါ့ .. ဒါမှမဟုတ် ဒါဏ်ရိုက် ပြီးတော့ မှ ပြန်ထွက်ခိုင်းနေတာလား စဉ်းစားစရာပါ..။ အဆိုးတကာ့ အဆိုးဆုံးပြောစရာက တော့ ဈေးရောင်း နေကြတဲ့ အတွက် ဘုရားကြီး ရင်ပြင်တော်ဆိုရင် အမှိုက်တွေ အညစ် အကြေးတွေနဲ့ ညစ်ပတ်နေတာပဲ ...။ တချို့ တိုင်းတပါးဧည့်သည် တွေက ဆို ရောက်ခဲ့ဖူးသမျှ တန်ခိုးကြီးဘုရားတွေ ထဲမှာ ဘုရားကြီးက အညစ်ပတ်ဆုံးတဲ့ ...။ ကျွန်တော်တို့ ဘာပြန်ပြောမှာလဲ ..။ ရန်ကုန် က ရွှေတံဂုံ စေတီတော်မြတ်ကြီ်းနှင့် နှိုင်းယုဉ်ကြည့်စေချင်ပါတယ်..။ ရွှေတံဂုံတော်ရဲ့ရင်ပြင်ဟာ.... ဘုရားကြီး ရင်ပြင်တော်ထပ် ပိုကျယ်ပါတယ်.. ပိုလဲ တောက်ပြောင်ပါတယ်.. ပိုလဲ သန့်ရှင်းပါတယ် ...။ ကျွန်တော်တို့ရဲ့ နှစ်ပေ တစ်စိတ်လောက်ရှိတဲ့ ဘုရားကြီး ရင်ပြင်တော် ဘာလို့ သန့်ရှင်းအောင် မလုပ်နိုင်ရတာလဲ .. ဘာလို့ စည်းကမ်း ရှိအောင် မလုပ်နိုင်ရတာလဲ .. ။ ဘာကြောင့်လဲ ?တာဝန်ပိုင်းလား.?. ၀တ္တရားပိုင်းလား ?.. စီမံ ခံ့ခွဲမှု အပိုင်းလား..?.။

ထပ်ပြောပါအုံးမယ် ...။ ဘုရားကြီး အတွင်းပိုင်းက အရုပ် အဆိုးဆုံး အပိုင်းပါ..။ဘာလဲ ဆိုတော့ ဘုရားဖူး တွေ ခရီးသွားတွေဆီက အဿပြာငွေ လိုက်လံတောင်းရမ်းကြတဲ့ အရွယ်စုံ လူတွေပါပဲ ...။ဒါကတော့ မရှိလို့တောင်းစားတာပဲ လှုရင် ကုသိုလ်တောင်ရသေးတယ်လို့ ပြောလို့ရပေမယ့် ဘုရားကြီးလို တိုင်းတပါး လူမျိုးခြား တွေ အများဆုံး ၀င်ထွက်သွားလာ တဲ့ နေရာမျိုးမှာ ဒါဟာ ရှိသင့်ပါသလား .. ပိုမသင့်တော်တာက လ သားလောက်ရှိတဲ့ ကလေး လေးကို သုံးနှစ်သား လေးနှစ်သား လောက်ရှိတဲ့ ကလေးတွေက ချီပြီးတကောက်ကောက် လိုက်တောင်းတာပါပဲ ... ။ရင်ပြင်တော်က သမံတလင်းပါ .. မတော်ခြေချော် လဲခဲ့သည် ရှိသော်....။ ဒါတွေ ကိုကော တာဝန်ရှိသူတွေ က မတားမြစ် မပိတ်ပင်ဘူးလား.. ဒီအတိုင်းကြည့်နေတာလား ...။ သေချာတာကတော့ နိုင်ငံခြားဧည့်သည်တွေ အခွန် (2000) ပေးဆောင်လိုက်ရတဲ့ ကင်မရာတွေ ထဲမှာ အဲ့ဒီ ညစ်ပတ်နေတဲ့ ပတ်ဝန်းကျင် နဲ့ တောင်းရမ်း နေကျတဲ့ ကလေးတွေ ပုံတွေပဲ အများဆုံးပါတယ်ဆိုတာပါပဲ ..။သူတို့တွေ ရဲ့ စိတ်ထဲမှာလဲ ဘယ်လို ကောက်ချက်မျိုး ရှိမယ်ဆိုတာ ကျွန်တော်တို့ မစဉ်းစားကြည့်တာ အကောင်းဆုံးပါပဲ...။ တချို့ ဧည့်သည်တွေ ကဆို သူတောင်းစားဘုရား လို့တောင် နှုတ်က ဖွင့်ပြောသွားကြတာ ရှိပါတယ် .....။

ရှိပါသေးတယ်...အများကြီး ရှိပါသေးတယ်..။ဇောင်းတန်းတွေမှာ ပိုးလိုးပက်လပ် အိပ်နေတာတွေ ဆိုရင်လဲ မသင့်တော်တဲ့အပြု အမှု မျိုးတွေ ပါပဲ ..။ အဲ့တော့ ကျွန်တော် ပြောချင်တာက ဒီအကြောင်းအရာတွေ အားလုံးဟာ ကျွန်တော်တို့ အမြင် ၊ ကျွန်တော်တို့ ၀န်းကျင်နဲဆိုရင် ဘာမှ မဟုတ်ပါဘူး .. ဒါပေမယ့် တိုင်းတပါး အမြင်မှာတော့ ဒါတွေဟာ ကျွန်တော်တို့ ယဉ်ကျေးမှုကို ထိခိုက်စေ သလား .၊ ဘာသာရေးကို ထိခိုက်စေသလား ၊ လူမျိုးကို ထိခိုက် စေသလားဆိုတာတွေကို စဉ်းစားသင့်တယ် ဆိုတာပါပဲ ...။ အခု ဒီပိုစ့်ကို ရေးပြီးတင်လိုက်တဲ့ အတွက် တစ်ခုခု သော်လည်းကောင်း ၊ တစ်ဦးဦးသော် လည်းကောင်း ပြောခဲ့သော အကြောင်းအရာတွေ ကိုလက်သင့်ခံ ပြောင်းလဲ ခဲ့မယ်ဆို ကျေနပ်ပါတယ် .... ။

ကျေးဇူးတင်ပါတယ်...........။ ။





မှတ်ချက် ။ ။ ကျွန်တော်သည် ယခု ပိုစ့်အား ( 28.1.2010)မှာ ရေးသားခဲ့ပြီး အခြားဆိုဒ်တစ်ခုမှ တင်ခဲ့ပြီးဖြစ်ပါသည် ..။ တစ်နှစ်နီးပါးကြာမြင့်ခဲ့သောအခါ ဘုရားကြီး၏အရိပ်လက္ခဏာသည် ပုံမှန်ထက် တောက်ပြောင်လာသည်မှာ မှန်သော်လည်း( တောက်ပြောင်လာသည် ဆိုရာတွင် ယခင်ရှိပြီးသား ပန်းခြံကို ပြုပြင်မွန်းမံလိုက်ခြင်းကြောင့်ဖြစ်နိုင်ပါသည် ) အထက်တွင်ပြောခဲ့သော အကြောင်းအရာများ မည်မျှပြောင်းလဲသွားသည်ဆိုသည့်အဖြေကတော့ ယခုပိုစ့်အား ဒုတိယ အကြိမ် ထပ်တင်လိုက်ရခြင်းပါပဲ ...။

Posted in: အတွေးဆောင်းပါး