အော်ဂင်၏ ကိုးဆယ့်ကိုးပြားတန် အတွေးများ

အောင်ဆန်းဇာနည်

ဖေဖော်ဝါရီ ဆယ့်သုံးမှာ
ဗိုလ်ချုပ်မွေးနေ့ပါ
တစ်ထောင့်ကိုးရာ တစ်ဆယ့်ငါး
ရှေ့နေ ဦးဖာသား။

ဇာတိနတ်မောက် မကွေးခရိုင်
သိကြများခုတိုင်
ကြံကြံခိုင်တဲ့ ဇာနည်ဘွား
မိခင် ဒေါ်စုသား။

တစ်ထောင့်ကိုးရာ လေးဆယ့်ခွန်
ပြောင်းကြွ တမလွန်
မျက်ရည်သွန်လို့ ဘ၀င်ညိုး
ဇူလိုင် တစ်ဆယ့်ကိုး။

ပြည်ထောင်စုရဲ့ ကျေးဇူးရှင်
ဗိုလ်ချုပ် တို့ဖခင်
ကောင်းစေချင်တဲ့ မှာစကား
ငါတို့ မမေ့အား။ ။



တင်မိုး

ဒီကဗျာလေးက အော်ဂင်တို့ ဟိုး ငယ်ငယ်ကတည်းက ကြားဖူးခဲ့တဲ့ မမေ့အပ်တဲ့ ကဗျာဆရာကြီးတင်မိုးရဲ့ အောင်ဆန်းဇာနည် ဆိုတဲ့ ကဗျာလေးပါ။ဒီကဗျာကို မြန်မာမှန်ရင် ကြီးငယ်မရွေးလူတိုင်းအလွတ်ရ သိမှတ်ကြတဲ့ကဗျာဆိုတာ ပြောဖို့တောင်မလိုပါဘူး။ အော်ဂင် သိတက်စအရွယ်ရောက်ကတည်းက ဗိုလ်ချုပ်အောင်ဆန်းဆိုတာ ဘယ်လိုပုဂ္ဂိုလ်မျိုးလဲဆိုတာကို အော်ဂင်မိဘတွေက(အထူးသဖြင့်အဖေ)အလျဉ်းသင့်သလိုပြောပြခဲ့တဲ့အတွက် အတော်အသင့် သိရှိထားခဲ့ပါတယ်။အရွယ်ကလေးရလာလို့ စာဖတ်တက်မှတ်တက်တဲ့ အရွယ်ရောက်လာတော့အဘိုးရဲ့ဗိုလ်ချုပ်နဲ့ ပါတ်သက်တဲ့စာအုပ်တွေ အမွေအဖြစ် ဖတ်မှတ်ခွင့်ရခဲ့ပြန်တယ်။ထို့ကြောင့်ပင် အော်ဂင့် မိဘ၊အဘိုးတို့ကို လွန်စွာမှပင်ကျေးဇူးတင်နေမိပါတယ်။အဘယ်ကြောင့်ပါနည်း။ ထိုသို့ မပြောပြ၊မဖတ်မှတ်ခဲ့ရပါက ဗိုလ်ချုပ်အကြောင်းအရာများကို ခုလောက်သိခွင့်ရခဲ့မည် မဟုတ်။ဒါတော့ အော်ဂင်က ပိုတယ်ဟု မထင်စေချင်ပါ။ ယခုပင် သိတက်စ ကလေးတစ်ယောက်ကို အာဇာနည်ဆိုတာ ဘယ်သူ့ကိုခေါ်တာလဲလို့မေးရင် အဆိုတော်ဟု ပြောမည့်ကလေးက နည်းမည်ဟု အော်ဂင်မထင်။ ဒါဟာ ဘာဖြစ်လို့လဲဆိုရင် အခြားအကြောင်းကြောင်းတွေအပြင် လူကြီးတွေရဲ့ ပြောပြသင့်သည့် တာဝန်လစ်ဟင်းမှုကြောင့်ဟုပင် အော်ဂင်ယူဆခဲ့သည်။ထားပါတော့..။ယခုလို ဂလိုဘယ်ခေတ်၊အများပြောနေကြတဲ့ကမ္ဘာရွာကြီး၊ မြန်ဆန်တိကျပါတယ်ဆိုတဲ့ အင်တာနက်ခေတ်ကြီးမှာ ဘယ်အရာမှ ဖုံးကွယ်ထားလို့ မရ။ဖုံးအုပ်ထားလို့ မလုံ။ သင်ဘာသိချင်ပါသလဲ လက်ညိုးကလေးသာ တစ်ချက်ခေါက်လိုက် ကျလာလိုက်မယ့် အချက်အလက်တွေ ဝေါကနဲ..( connection မကောင်းတာတော့ အော်ဂင် မပြောလိုပါ )။ထို့အပြင် ပြောင်းလဲလာသော အခြေအနေတွေအရ ဟိုတုန်းက မရှိသလောက်အတွေ့ရနည်းခဲ့တဲ့ ဗိုလ်ချုပ်အကြောင်းစာအုပ်တွေ၊ဓါတ်ပုံတွေ၊ဗီနိုင်းတွေ နေရာအနှံ့ ပလူပျံအောင်တွေ့နေရခြင်းကပင် တက်သစ်စကလေးတွေကို အာဇာနည်ဆိုတာ ဒီလိုလူမျိုးဟု ညွှန်ပြ၊ပြောပြနိုင်သည့် အခွင့်အရေး အော်ဂင်တို့ ရနေသလိုခံစားရပါတယ်။ ဒီလိုဆို ဗိုလ်ချုပ်ဆိုတာ ဘယ်လိုလူမျိုး၊ဗိုလ်ချုပ်အကြောင်းက ဘယ်လိုဆိုတာ လူတိုင်း(အထူး လူငယ်တိုင်း)မသိသူမရှိ၊မြန်မာပြည်သူမှန်ရင် သိပြီဟု အော်ဂင်တစ်ယောက်ထင်ခဲ့ မိသည်ပေါ့...။ သို့သော် .... သို့သော် ...
(10.2.2012 ) ရက်နေ့ည။ အော်ဂင် ခရီးက ပြန်ရောက်တာနဲ့လူကပန်း ဘယ်မှသွားချင်စိတ်မရှိတာနဲ့ပဲ စောစောအနားယူမယ်ဆိုတဲ့ စိတ်ကူးနဲ့ရေချိုးထမင်းစားပြီး အခန်းထဲ တန်းဝင်လာခဲ့ပါတယ်။ပြီးတော့ ဘာရယ်မဟုတ် အိပ်ပျော်အောင် တီဗွီခလုတ်ကို ထဖွင့်ပြီး ကုတင်ပေါ်မှီပြီး ကြည့်နေမိတယ်(နားရှုပ်သွားလားမသိဘူး၊အော်ဂင်က ရုပ်ရှင်ဖြစ်ဖြစ်၊တီဗွီဖြစ်ဖြစ်ဖွင့်ပြီးလို့ လှဲကြည့်ရင် မကြာခင် အိပ်ပျော်တက်တဲ့ အကျင့်ရှိတယ်)။အဲ့ဒီမှာ ဇာတ်လမ်းစာတာပါပဲ။ အော်ဂင် ဖွင့်ကြည့်မိတဲ့လိုင်းမှာ ဖိနပ် Brand တစ်ခုရဲ့Miss ပြိုင်ပွဲကြီး တစ်ခုကို တိုက်ရိုက်ထုတ်လွှင့်ပြသနေပါတယ်။အခမ်းအနားမှုးကလဲ မြန်မာပြည်မှာ မသိသူမရှိလောက်တဲ့ မော်ဒယ်လ်ဆရာမကြီး၊မော်ဒယ်လ်မိခင်ကြီး။ ပြိုင်ပွဲဝင်မယ့် မော်ဒယ်လ်လေးတွေကလဲ လှချက်ကတော့ စက်စက်ကိုယိုလို့။ဒီကြားထဲမော်ဒယ်လ်ဆရာမကြီးက ယခုယုဉ်ပြိုင်မယ့် ဆန်ကာတင် ဦး(20)ဟာ ပေါင်တံလေးတွေ ဘယ်လောက်လှကြောင်း၊ခြေသလုံးလေးတွေ ဘယ်လောက်ပြေပြစ်ကြောင်း၊ခြေဖမိုး၊ခြေချောင်းလေးတွေ လှပတဲ့အပြင် ရုပ်ရည်လှပမှုသာမက ဗဟုသုတလည်းပြည့်စုံကြကြောင်းကို ချီးမွမ်းခန်းဖွင့်နေတော့ အော်ဂင်လဲ အိပ်ချင်စိတ်တွေပျောက်၊မှီရာက ငုတ်တုတ်ထထိုင်ကြည့်မိတဲ့ အဖြစ်ရောက်ရော ဆိုပါတော့။အကဲဖြတ်ဒိုင်တွေကို ကြည့်လိုက်တော့လဲ တကယ့်ဝါရင့်အနုပညာရှင်တွေ၊ဒိတ်ဒိတ်ကျဲ စာနယ်ဇင်းအယ်ဒီတာတွေအပြင် ပူပူနွေးနွေးအကယ်ဒမီဆုရထားတဲ့ မင်းသမီးလေးတောင်ပါသေး။
ဒီလိုနဲ့ပဲ ပြိုင်ပွဲဝင်လေးတွေဟာ ပုံစံအမျိုးမျိုးနဲ့ Catwalk ကွက်တွေ လျှောက်လိုက်၊မော်ဒယ်လ်မိခင်ကြီးကလဲ နောက်ကနေ ချီးမွမ်းလိုက်နဲ့ ကြော်ငြာလေး ခဏဝလာမှာကိုပဲ စိုးရိမ်နေမိလောက်အောင် အစီအစဉ်က အော်ဂင့်ကို ဆွဲခေါ်သွားပါတယ်။ဒီလိုနဲ့ပဲ ဒီထဲကမှ ရှယ်ဆန်ကာတင် ငါးဦးကို ထပ်ရွေးလိုက်ပါတယ်။အကဲဖြတ်ဒိုင်တွေကပဲ တော်တာလား အော်ဂင်နဲ့ အကြိုက်တူတာလာတော့ မပြောတက် ရွေးထုတ်လိုက်တဲ့ ငါးဦးလုံးတော်တော်ကို လှကြတယ်လေ။ဒီထဲမှာမှ သူလေးဟာရှားရှားပါးပါးပြိုင်ပွဲဝင်တဲ့ ဆေးကျောင်းသူလေးပါ ဆိုတဲ့မော်ဒယ်လ်ဆရာမကြီးရဲ့ မိတ်ဆက်သံလည်းကြားရော မိတ်ဆက်ပေးတဲ့မော်ဒယ်လ်လေးကိုကြည့်ပြီး တော်လိုက်တာလို့ စိတ်ထဲက အော်ဂင် မှတ်ချက်ပြုမိတယ်။ဒါကြောင့်လဲ မော်ဒယ်လ်မိခင်ကြီးချီးမွမ်းခန်းဖွင့်ခဲ့တာလဲ အလွန်မဟုတ်ဘူးလို့လဲ တွေးမိပါတယ်။ အဲ့ဒီနောက် ပြိုင်ပွဲရဲ့ အဓိကအရေးကြီးဆုံးဖြစ်တဲ့ Brand ရဲ့ Information မေးခွန်းနဲ့ ဗဟုသုတနဲ့ ပါတ်သက်တဲ့ Talent မေးခွန်းတွေမေးပါတယ်။ အော်ဂင် စောင့်စားနေတဲ့ ဆေးကျောင်းသူလေးအလှည့်ရောက်ပါပြီ။မော်ဒယ်လ်မိခင်ကြီးရဲ့ မေးခွန်းသံရဲ့ အဆုံးမှာ အော်ဂင် ပြုံးလိုက်မိပါတယ်။ စိတ်ထဲကလည်း ဆရာမရယ်ဒီမေးခွန်းလောက်ကတော့ သူ့လိုဆေးကျောင်းသူမပြောနဲ့ ငါလိုအဝေးသင်ဘွဲ့ရတစ်ယောက်တောင် ဖြေနိုင်တယ်လို့ တွေးနေမိပါတယ်။ဘာဖြစ်လိုလဲဆိုတော့ သူမမေးလိုက်တဲ့မေးခွန်းဟာ ဗိုလ်ချုပ်အောင်ဆန်းနဲ့ ပါတ်သက်တဲ့ General မေးခွန်းလောက်ဖြစ်တဲ့အတွက်ပါ။မေးခွန်းလေးက လွတ်လပ်ရေးဖခင်ကြီး ဗိုလ်ချုပ်အောင်ဆန်းရဲ့ ဇနီးအမည်နဲ့ သူမရဲ့ အလုပ်အကိုင် တဲ့။ တစ်စက္ကန့် .. နှစ်စက္ကန့် .. ဆယ်စက္ကန့် ..ဆယ့်ငါးစက္ကန့် ..စက္ကန့်ခြောက်ဆယ် ..။ မြတ်ခြွာဘုရား..။ အော်ဂင် စကားပင်မပီချင်တော့..။နှစ်မိနှစ်နီးနီးထိ ဆေးကျောင်းသူလေးထံမှ ဘာစကား၊ဘာအသံမှ ထွက်မလာသေး။ထွက်လာတာက ရယ်သံတွေ။အဲဒီ အချိန်မှာပဲ ကင်မရာကလဲ ဒိုင်တွေဘက်ကိုရောက်သွားတယ်။စာနယ်ဇင်းအယ်ဒီတာကြီးလဲ မျက်လုံးကြီးပြူး၊ရယ်သူက ရယ်။ပရိသတ်တွေထဲက ဟိုတစ်စ ဒီတစ်စ.. ဒေါ်ခင်ကြည်..ဒေါ်ခင်ကြည် ဆိုတဲ့အသံကြားမှပဲ ဆေးကျောင်းသူလေးဆီက ဒေါ်ခင်ကြည်ဆိုတဲ့ အသံတိုးတိုးကလေးထွက်လာပါတယ်။တိုးတိုးလေးဆိုတာထက် မဝံမရဲအသံလေးဆိုရင် ပိုမှန်ပါလိမ့်မယ်။ပြဿနာက ဒီမှာတင်ရပ်မသွားပါဘူး။မော်ဒယ်လ်မိခင်ကြီးရဲ့ သူမရဲ့အလုပ်အကိုင်လေးပြောပါအုံး ဆိုတဲ့ နောက်ဆက်တွဲ မေးခွန်းလေးကိုကြားမိတော့ အော် နာမည်လေးကမေ့နေလို့ အစဖော်သိပြီးပြီပဲ အလုပ်အကိုင်ကတော့ သူမနဲ့လည်းဆက်နွယ်နေတာပဲ သိလောက်ပါတယ်လို့ စိတ်ဖြေတွေးလေး အော်ဂင်ဖြည့်တွေးမိလိုက်ပါတယ်။ ဒါပေမယ့် .. ဒါပေမယ့်ပေါ့လေ..အောက်က ပရိသတ်တွေရဲ့ ဖြေသံတွေ အဆုံးမှာမှပဲ ဆေးကျောင်းသူလေးရဲ့ သူနာပြုဆရာမပါ ဆိုတဲ့အသံလေးကို ရင်မောစွာနဲ့ကြားလိုက်ရပါတယ်။
ည(12)နာရီလည်း ကျော်ပါပြီ။တီဗွီကိုလဲ ပိတ်ပြီးသွားပါပြီ။ ဒါပေမယ့် အော်ဂင့်မျက်လုံးတွေကတော့ မပိတ်သေး။အော်ဂင် အိပ်လို့မပျော်သေး။ဘာရယ်မဟုတ် အောင်ဆန်းဇာနည် ဆိုတဲ့ကဗျာကိုပြန်ရွတ်နေမိတယ်။ကဗျာလေးတိုသလောက် အပိုအလိုမရှိ ရင်ထဲထိမိတဲ့ ကဗျာလေးပါ။ဒါပေမယ့်လေ အော်ဂင် တွေးနေမိတာတစ်ခုရှိပါတယ်။ယခုနေများ ကဗျာဆရာကြီးတင်မိုးသက်ရှိထင်ရှားရှိနေသေးမယ်ဆိုရင် ဆရာကြီးရယ် ဒီကဗျာလေးမှာ ဗိုလ်ချုပ်မင်္ဂလာဆောင်တဲ့နေနဲ့ ဒေါ်ခင်ကြည့်နာမည်လေးဖြည့်စွက်ရေးပေးပါလို့ တောင်းဆိုမိလေမလားတော့ မပြောတက်တော့ပေ ........။ ။



လွင့်ရာဝေ( 13.2.2012 တွင်ရေးသားခဲ့သည်)

Posted in: အတွေးဆောင်းပါး